Azərbaycan Türkiyəyə investisiyalarını 7 dəfədən çox azaldıb, Avstriyaya isə 49 dəfə artırıb

Ötən il Azərbaycandan xarici iqtisadiyyata yönəldilmiş birbaşa investisiyaların həcmində 2.3 mlrd. manata yaxın azalma müşahidə olunub.

Valyuta.Az bu barədə Mərkəzi Banka istinadən xəbər verir.

Məlumata əsasən, 2023-cü ildə 3 mlrd. 117 mln. 441 min ABŞ dolları (bundan sonra dollar) məbləğində xarici iqtisadiyyata birbaşa investisiya yatırılmışdısa, 2024-cü ildə bu rəqəm 1 mlrd. 762 mln. 690 min dollara düşüb.

2024-cü ildə Azərbaycandan Türkiyəyə yatırılan birbaşa investisiyaların həcmində böyük azalma müşahidə olunub.

Məlumata əsasən, ötən il Türkiyə iqtisadiyyatına 248 mln. 957 min dollar həcmində birbaşa investisiya yatırılıb. 2023-cü ildə isə bu rəqəm 1 mlrd. 815 mln. 102 min dollar idi.

Amerika Birləşmiş Ştatlarına yatırılan birbaşa investisiyalar 311 mln. 775 min dollardan 88 mln. 527 min dollara, Niderlanddakı investisiyalar 98 mln. 199 min dollardan 21 mln. 413 min dollara, Rusiya Federasiyasına yatırılan birbaşa investisiyalarisə 91 mln. 954 min dollardan 18 mln. 559 min dollara qədər azaldılıb. 

Avstriyaya 49 mln. 276 min dollar həcmində birbaşa investisiya yatırılıb. 2023-cü ildə bu rəqəm 1 mln. 232 min dollar idi.

Gürcüstana yatırıan birbaşa investisiyalar 87 mln. 237 min dollardan 165 mln. 46 min dollara, Birləşmiş Ərəb Əmirliklərində 94 mln. 819 min dollardan 457 mln. 531 min dollara, Özbəkistanda 23 mln. 239 min dollardan 93 mln. 108 min dollara qaldırılıb. 

Rəhim