2025-ci ilin yanvar-fevral aylarında Azərbaycandan xarici ölkələrə 22 min 738 ton tomat ixrac olunub.

Valyuta.az rəsmi məlumatlara əsasən xəbər verir ki, bu ixracdan ölkə 26 milyon 721 min ABŞ dolları gəlir əldə edib.

Müqayisə üçün ötən ilin eyni dövrünə nəzər salsaq, 21 min 724 ton tomat ixrac edilib və bu məhsullardan 30 milyon 200 min dollar gəlir əldə olunub. Yəni, tonla ixrac artsa da, (1014 ton), gəlirdə təxminən 3.5 milyon dollarlıq azalma müşahidə olunub. 

Ümumi ixrac kontekstində də tomatın payında kiçik azalma qeydə alınıb. Belə ki, cari ilin ilk iki ayında tomat ixracı ümumi ixracın 0,56%-ni təşkil edib. Ötən ilin eyni dövründə isə bu göstərici 0,63% olub. Müqayisədən görünür ki, tomatın ümumi ixracdakı payında 0,07% azalma baş verib. 

Nəticə olaraq, məhsul daha çox ixrac olunub, amma həm gəlir, həm də ümumi ixracdakı pay baxımından geriləmə müşahidə olunub.

Sərvanə Rəmixanova