Böyük Britaniyada işlək yaşda olan əhalinin beşdə biri hələ də nə işləyir, nə də aktiv şəkildə iş axtarır.

Valyuta.az BBC-yə istinadla xəbər verir ki, ölkədə iqtisadi qeyri-aktivlik səviyyəsi 2024-cü ilin noyabrından 2025-ci ilin yanvar ayına qədər olan dövrdə 21.5 faiz təşkil edib. Bu göstərici əvvəlki rüb və illə müqayisədə azalma olsa da, 2009-cu ildən bəri müşahidə edilən ümumi tendensiyalara nisbətən aşağı səviyyədədir.

Lakin hökumətin iqtisadi artımı stimullaşdırmaq üçün yeni planlar həyata keçirdiyi bir vaxtda iş axtarmayanların sayı diqqət mərkəzinə düşüb. Bu rəqəmlər hökumətin bu həftə açıqladığı mübahisəli xəstəlik və əlillik müavinətlərinin ixtisarı planları fonunda daha da aktuallaşıb.

Maliyyə naziri Reyçel Rivz gələn həftə gözlənilən yaz bəyanatında iqtisadi planlarını təqdim edəcək. Bundan əvvəl isə hökumət 2030-cu ilə qədər illik 5 milyard funt sterlinq qənaət etməyi hədəfləyən yeni müavinət ixtisarlarını açıqlayıb. Rəsmi qurumlar bu tədbirlərin insanları işləməyə təşviq edəcəyini və iş qabiliyyəti olmayanların qorunmasını təmin edəcəyini bildirir.

Azərtac