Ötən ay Azərbaycandan 1 mlrd. 728 mln. 015.72 min $ dəyərində məhsul ixrac olub ki, bu da cari ilin yanvar ayı ilə müqayisədə 1.2 mlrd. dollar daha azdı. 

Valyuta.Az bu barədə Dövlət Gömrük Komitəsinə istinadən xəbər verir.

Məlumata əsasən, cari ilin yanvar ayında 3 mlrd. 38 mln. 454.54 min $ həcmində ixrac, 2 052 432.84 min $ həcmində idxal həyata keçirilmişdisə, fevral ayında isə yanvar ayı ilə müqayisədə təxminən 35 mln. dollar daha çox idxal, 1.2 mlrd. dollar daha az ixrac həyata keçirilib.

Toplamda isə cari ilin ilk 2 ayında xarici ticarət saldosu 628 mln. 449.61 min $ təşkil edib. 

Son 2 ayda ən çox məhsul ixrac etdiymiz ölkələrin ilk üçlüyünə İtaliya, Türkiyə və Almaniya, ən çox məhsul idxal etdiymiz ölkələrin ilk üçlüyünə isə Rusiya, Çin və Türkiyə daxildir. 

Toplamda 4 mlrd. 766 mln. 470.26 min $ dəyərində məhsul ixrac olunub ki, bunun da 89.82 %-ni neft-qaz sektoruna daxil olan mallar təşkil edib. Digər 10.18 %-i isə (484 mln. 994.67 min $) neft-qaz sektoruna daxil olmayan mallar təşkil edib.

Rəhim