"A-Qroup Sığorta Şirkəti" ASC 2024-cü il üzrə hesabatını açıqlayıb. 

Valyuta.Az xəbər verir ki, şirkətin maliyyə göstəriciləri 2023-cü illə müqayisədə müəyyən dəyişikliklərə məruz qalıb.  

2024-cü ildə şirkətin ümumi gəlirləri 21,676 milyon manat təşkil edib ki, bu da 2023-cü ildə qeydə alınmış 25,281 milyon manat göstəricisindən aşağıdır. Əsas əməliyyat gəliri 2023-cü illə müqayisədə 22,051 milyon manatdan 19,578 milyon manata düşüb.  

Şirkətin ümumi xərcləri 2024-cü ildə 21,497 milyon manat olub. 2023-cü ildə bu rəqəm 24,408 milyon manat təşkil edirdi. 

Şirkətin 2024-cü il üzrə mənfəətində də kəskin azalma baş verib. Belə ki, 2024-cü ildə şirkət 179,027 min manat mənfəət əldə edib ki, bu da 2023-cü ildə qeydə alınan 698,897 min manatdan xeyli aşağıdır. 

Şirkət 2023-cü ildə 174 724.26 AZN mənfəət vergisi ödəmişdisə, ötən il bu rəqəm 35 805.47 AZN təşkil edib. 

Əlavə edək ki, 1995-ci ildə yaradılan və 2007-ci ildə dövlət qeydiyyatına alınan "A-Qroup Sığorta Şirkəti" ASC 10005250 manat nizamnamə kapitalına sahibdir. Şirkətin qanuni təmsilçisi isə Atakişiyev Məmməd Natiq oğludur.    

Rəhim