Ləğv prosesində olan Azərbaycan Respublikası Dövlət Sığorta Kommersiya Şirkətinə məxsus nəqliyyat vasitələri hərraca çıxarılacaq. 

Valyuta.Az xəbər verir ki, hərraca çıxarılacaq avtomobillərin sayı 15-dir və hərracdakı ən ucuz avtommobilin qiyməti 4900 AZN təşkil edir. 

Hərracda, 14 ədəd buraxılış ili 2019 olan "Khazar-Peugeot", 1 ədəd buraxılış ili 2015 olan "Naz Lifan-LF 7185-720" satışa çıxarılacaq. Naz Lifan avtomobili üçün başlanğıc qiyməti 4900 AZN, digər 14 avtomobil üçün isə 32250 AZN təyin edilib. 

Hərrac 4 aprel 2025-ci il tarixində saat 10:00-da keçiriləcək.

Qeyd edək ki, nəqliyyat vasitələri 4-cü dəfə 50% endirimlə təkrar hərraca çıxarılır.

Xatırladaq ki, Dövlət Sığorta Kommersiya Şirkəti 31 yanvar 2024-cü ildə  Prezident İlham Əliyevin fərmanı ilə ləğv edilib. 

Rəhim