ABŞ fond birjasında fyuçerslər açılışda artım nümayiş etdirib. İnvestorlar texnologiya nəhəngi "Nvidia"nın dördüncü rüb üzrə maliyyə hesabatını gözləyirlər.

Valyuta.az xarici məbəyə istinadən xəbər verir ki, "S&P 500" indeksinə bağlı fyuçerslər 0,3%, Nasdaq fyuçersləri 0,4%, Dow Jones fyuçersləri isə 0,2% yüksəlib.

"Nvidia"nın gəlirləri və ticarət maneələri diqqət mərkəzindədir

"Nvidia" çərşənbə günü sessiya bağlandıqdan sonra böyük maraq doğuran rüblük hesabatını açıqlayacaq. Sərmayədarlar şirkətin "Blackwell" çip xəttindən nə qədər gəlir əldə etdiyini öyrənməyə çalışırlar.

Lakin son günlər bazar iştirakçıları ABŞ-ın çiplərə qoyduğu ixrac məhdudiyyətləri və tarif təhdidlərinin "Nvidia"nın biznesinə təsirindən narahatdırlar. Bu qeyri-müəyyənlik fonunda şirkətin səhmləri çərşənbə axşamı 2,8% ucuzlaşsa da, sonrakı ticarətdə 1,2% artım göstərib.

"Super Micro Computer" səhmləri kəskin yüksəldi

"Super Micro Computer" (SMCI) səhmləri, şirkətin "Nasdaq" birjasına təqdim edilməmiş hesabatları vaxtında çatdıraraq delistinqdən yayınması fonunda ticarət sonrası saatlarda güclü yüksəliş yaşayıb.

Trampın tarif planları 

ABŞ prezidenti Donald Tramp ölkəyə mis idxalına yeni tariflərin tətbiq edilməsi ilə bağlı araşdırmalar aparmağı tapşırıb. Bu qərarın bazara necə təsir edəcəyi izlənilir.

Bu gün "Stellantis" (STLA), "Lowe's" (LOW) və "Salesforce" (CRM) şirkətləri də maliyyə hesabatlarını açıqlayacaq.

Sərvanə Rəmixanova