İndoneziya hakimiyyəti və "Apple" yaxın gələcəkdə ölkədə "iPhone 16" satışına qoyulan qadağanın aradan qaldırılması ilə nəticələnə biləcək fəal danışıqlar aparır.

Valyuta.az xəbər verir ki, bu barədə "Bloomberg" məlumat yayıb.

İndoneziyanın investisiya naziri Rosan Reslaninin sözlərinə görə, “Apple” ilə danışıqlar aktiv mərhələdədir və vəziyyət yaxın günlərdə həll oluna bilər. O, bir-iki həftə ərzində məsələnin həll olunacağına əminliyini ifadə edib.

Qadağa keçən il "Apple"ın yerli tələblərə cavab verməməsi səbəbindən tətbiq edilmişdi, buna görə də "iPhone"un bəzi istehsalı və ya komponentlərinin İndoneziyada həyata keçirilməsi tələb olunur. 

Buna cavab olaraq şirkət "AirTag" istehsal etmək üçün zavodun tikintisinə 1 milyard dollar sərmayə qoymağı təklif edib, lakin bu təklif rədd edilib.

İndi hər iki tərəf bir həll tapmağa çalışır və buna nail olunarsa, "iPhone 16" tezliklə İndoneziyada satışa çıxa bilər.

Keçən il İndoneziya eyni səbəblərə görə "Google Pixel" smartfonlarının satışını qadağan etmişdi, lakin Amerika şirkəti cihazları bazara qaytarmağa tələsmir.

Paşa Məmmədli