ABŞ Ticarət Nazirliyi "Nvidia"dan şirkətin məhsullarının Çindəki aqibətini öyrənməyi xahiş edib. 

Valyuta.az xəbər verir ki, bu barədə departamentə yaxın mənbəyə istinadən "The Information" (TI) məlumat yayıb.

ABŞ hökumətinin sorğusuna cavab olaraq "Nvidia", "Super Micro Computer" (Supermicro) və "Dell Technologies" kimi əsas distribyutorlardan Cənub-Şərqi Asiyadakı müştəriləri üzərində spot yoxlamalar aparmağı xahiş edib. Çünki "Nvidia"nın AI çipləri bu şirkətlərin məhsullarında yerləşdirilib.

"The Information"a görə, "Nvidia" çiplərinin qaçaqmalçılığı ilə məşğul olan beş nəfər son "Supermicro" auditləri zamanı aşkarlanmadan qaça bildiklərini bildirib.

"Supermicro"ya yaxın mənbə təsdiqləyib ki, bəzi müştərilər "Supermicro"dan aldıqları "Nvidia" çipləri ilə serverlərin seriya nömrələrini təkrarlayır və onları digər serverlərə qoşurlar. Bəzi hallarda qaçaqmalçılar hətta serverlərin əməliyyat sistemlərindəki seriya nömrələrini də dəyişdiriblər.

"Nvidia" sözçüsü vurğulayıb ki, şirkət müştərilərdən və tərəfdaşlardan bütün ixraca nəzarət məhdudiyyətlərinə ciddi şəkildə riayət etməyi tələb edir, çünki qara bazarda təkrar satış da daxil olmaqla, hər hansı bir sapma biznes üçün yükə çevrilə bilər.

"Dell" distribyutorlarından və resellerlərindən bütün tətbiq olunan ixrac nəzarətlərinə riayət etmələrini tələb etdiyini və bu öhdəliklərə əməl etməyən tərəfdaşlarla müqaviləyə xitam verilməsinə qədər tədbirlər görəcəyini bildirib. "Supermicro"öz növbəsində, məhsullarının icazəsiz ixracı və ya təkrar ixracına qarşı araşdırma apardığını və tədbir gördüyünü təsdiqləyib.

Araşdırmalara səbəb ABŞ-ın keçən il Çinə süni intellekt üçün yüksək məhsuldar sürətləndiricilərin satışını qadağan etdiyi məhdudiyyətlərin pozulması olub.

Paşa Məmmədli