Yaponiyanın ikinci və üçüncü ən böyük avtomobil istehsalçıları "Honda" və "Nissan" texnologiya mübadiləsi və xərclərin bölüşdürülməsi yolu ilə rəqabət qabiliyyətini artırmaq üçün holdinq yaratmaq üçün birləşmə danışıqları aparır.

Valyuta.az xəbər verir ki, bu barədə NHK telekanalı məlumat yayıb.

Həmsöhbətlərin sözlərinə görə, "Honda" və "Nissan" tezliklə əsas birləşmə müqaviləsi imzalayacaqlar. İki şirkətin avqust ayında ümumi proqram platformalarını inkişaf etdirmək və elektrik avtomobil hissələrini standartlaşdırmaq, o cümlədən model spesifikasiyaları və hissələrin tədarükünü paylaşmaq barədə razılığa gəldiyi deyilir.

Martın əvvəlində elektrikləşdirmə kimi sahələrdə strateji tərəfdaşlıq haqqında müzakirələrə başlanıldığı bildirilmişdi.

Bu gün avtomobil istehsalçıları xarici şirkətlərlə rəqabət aparırlar. Amerikanın "Tesla" və Çinin BYD şirkətləri elektrik avtomobilləri, avtonom idarəetmə və proqram təminatının hazırlanması sahəsində liderdir.

Sentyabr ayına qədər olan altı ayda "Nissan"ın xalis mənfəəti, qismən ABŞ-dakı ləng satışlarla əlaqədar olaraq, əvvəlki ilə nisbətən təxminən 94% azalıb. "Nissan "Mitsubishi Motors"un ən böyük səhmdarıdır.

"Honda" ilə birləşmə danışıqları "Mitsubishi"nin mümkün holdinq şirkətinə daxil edilməsi ilə bağlı müzakirələri əhatə edə bilər.

Boyabrda "Nissan Motor Co." dünya üzrə doqquz min iş yerini ixtisar etmək və satışların azalması səbəbindən qlobal istehsal gücünü 20% azaltmaq planını açıqlayıb.

Paşa Məmmədli