İnformasiya və rabitə sahəsində fəaliyyət göstərən müəssisələr tərəfindən 2024- cü ilin yanvar-noyabr aylarında əvvəlki ilin müvafiq dövrü ilə müqayisədə göstərilmiş xidmətlərin dəyəri real ifadədə 12,5 faiz artaraq 3 milyard 188,7 milyon manat təşkil edib.

Valyuta.az Dövlət Statistika Komitəsinin hesabatına istinadən xəbər verir ki, xidmətin 71,9 faizi əhali tərəfindən istehlak olunub. Xidmətlərdən əldə edilən gəlirin 35,3 faizi və ya 1125,9 milyon manatı mobil telefon rabitəsi sahəsində formalaşıb.