Valyuta.az ABŞ-da-da bazar bağlanışı sonrası bir neçə şirkətin hesabatlarını açıqlamasından sonra səhm qiymətlərinin dəyişməsini təqdim edir:

"Super Micro Computer" (NASDAQ: SMCI) şirkəti üç aylıq satış proqnozlarının gözləntilərin altında qalması səbəbindən 10% ucuzlaşıb. Şirkət sentyabr rübü üçün əvvəlcə təxmin etdiyi 6 milyard dollar ilə 7 milyard dollar arası satış proqnozunu 5,9 milyard dollar ilə tamamlayıb.

"Exact Sciences" (NASDAQ: EXAS) illik gəlir proqnozunu azaltmasının ardınca 28% dəyər itirib. Şirkət əvvəlcə 2,810 - 2,850 milyard dollar arası elan etdiyi illik gəlir gözləntisini 2,730 - 2,750 milyard dollar aralığına endirib.

"Coupang" (CPNG) səhmlərin dəyəri və gəlir göstəricilərinin proqnozları üstələməsinə baxmayaraq 6% dəyər itirib. Xalis gəlir 7,9 milyard dollar təşkil edib ki, bu da ötən ilin eyni dövrü ilə müqayisədə valyuta təsirlərindən təmizlənmiş baza üzrə 32%, hesabat üzrə isə 27% artımı göstərir.

"Microchip Technology" (NASDAQ: MCHP) gələcək proqnozların məyusedici açıqlanmasından sonra 4% ucuzlaşıb. İkinci rübdə xalis satışlar 1,164 milyard dollar təşkil edib ki, bu da əvvəlki rüblə müqayisədə 6,2%, ötən ilin eyni dövrünə görə isə 48,4% azalma deməkdir.

"Lumen Technologies" (LUMN ) sərbəst nağd axın proqnozunu artıraraq 4% dəyər qazanıb. Şirkət əvvəlcə 1,0 ilə 1,2 milyard dollar arasında gözlədiyi sərbəst nağd axın proqnozunu 1,2 ilə 1,4 milyard dollar aralığına yüksəldib.

"Trump Media & Technology Group" (DJT) şirkətinin səhmləri üçüncü rüb nəticələrini açıqladıqdan sonra dəyişkən hərəkət edib; prezident seçkisinin nəticələri hələ də naməlumdur. Şirkət üçüncü rübdə 23,7 milyon dollar əməliyyat zərəri və 19,2 milyon dollar xalis zərər açıqlayıb. 

Rəhim