Araşdırmalara əsasən, bir işçinin xoşbəxtliyi ətrafındakı üç nəfərə müsbət təsir edir, narazılığı isə 10 nəfərə mənfi təsir göstərir. Bu, işçi motivasiyasının nə qədər önəmli olduğunu açıq şəkildə ortaya qoyur.

Güman edilənin əksinə olaraq, işçiləri motivasiya etmək üçün yalnız maaş və əlavə üstünlüklər kifayət deyil. İşçiləri həvəsləndirmək və dəyərləndirmək daha güclü motivasiya vasitəsidir. Araşdırmalar bu amilin motivasiya üzərində 14%-lik təsiri olduğunu göstərir.

Əgər sahənizdə ən yaxşı işçiləri işə götürmüsünüzsə və onların uzun müddət sizinlə birlikdə çalışmasını istəyirsinizsə, motivasiya strategiyalarına diqqət yetirməyiniz vacibdir.

Beləliklə, işçiləri necə motivasiya etmək olar? Hansı üsullarla onların şirkətə bağlılığını artırmaq mümkündür? “Valyuta.az” sizə bu istiqamətdə bir neçə təklif təqdim edir:

1. İş Yerini Daha Cazibədar Edin

Heç kim darıxdırıcı və köhnəlmiş bir mühitdə işləmək istəməz. Əyləncəli, işıqlı, təmiz və funksional bir iş yeri yaratmaq işçilərin məmnuniyyətini artırır. Ofisi yeniləyin, təmiz saxlayın və zövqə uyğun dəyişikliklər edin. Ucuz dekorativ dəyişikliklərlə həm işçilərin, həm də müştərilərin marağını cəlb edə bilərsiniz.

2. Hörmətli və Dəstəkləyici Rəhbər Olun

Pis idarəçilik işçilərin tez-tez işdən ayrılmasına səbəb olur. Etibarlı və dəstəkləyici bir rəhbər olmaq işçilərin şirkətə bağlılığını artırır. Rəhbərlik bacarıqlarınız təkmilləşdirməyə ehtiyac duyursa, bu mövzuda kitablar oxumağınız və təlimlərdə iştirak etməyiniz faydalı olar.

3. Uğurları Təqdir Edin və Mükafatlandırın

İşçilərin yüksək performansını təqdir edin. Təşviq proqramları, bonuslar və komissiya əsaslı sistemlər tətbiq etməklə onları həvəsləndirə bilərsiniz. İşçilər layiqincə mükafatlandırıldıqları zaman daha çox səy göstərir və şirkətə bağlılıqları güclənir.

4. Məsuliyyət və Səlahiyyət Verin

İşçilərə yeni məsuliyyətlər vermək və onlara səlahiyyət tanımaq motivasiya üçün əla üsuldur. Bu, həm də işçilərin potensialını inkişaf etdirmək üçün bir fürsətdir. Yüksək performans göstərən işçilərə məsuliyyət verərək onların liderlik bacarıqlarını artırmaq mümkündür.

5. Müsbət Rəyləri Paylaşın

Şirkətlə bağlı müsbət müştəri rəylərini işçilərlə bölüşmək onların motivasiyasını artırır. Beləliklə, işçilər öz töhfələrinin şirkətin ümumi uğuruna necə önəmli olduğunu daha yaxşı dərk edirlər.

6. Şəffaf İdarəetmə Qaydaları Tətbiq Edin

İşçilərlə işin ümumi gedişatı barədə məlumatları paylaşın. Satış rəqəmləri, qazanc göstəriciləri və digər mühüm məlumatları mütəmadi olaraq onlara çatdırmaq işçilərdə güvən yaradır və daha çox əmək sərf etmələrinə stimul verir.

7. Çevik İş Saatları Təklif Edin

Texnologiyanın inkişafı ilə çevik iş saatları işçilər üçün əsas tələblərdən birinə çevrilib. “Forbes” tərəfindən aparılan araşdırmaya görə, iş axtaranların 46%-i çevik iş saatlarına üstünlük verir. Evdən işləmə imkanı və ya iş saatlarında daha çox sərbəstlik təqdim etmək şirkəti işçilər üçün daha cazibədar edir.

8. İşçiləri Kiçik Mükafatlar Təqdim Edin

İş yerində kiçik mükafatlar işçilərin motivasiyasına müsbət təsir edir. Xırda qəlyanaltılar və ya içkilər təklif etməklə işçilərin özlərini daha dəyərli hiss etmələrini təmin edə bilərsiniz. Araşdırmalar göstərir ki, belə jestlər işçilərin şirkətə bağlılığını gücləndirir.

9. Uğurları Təqdir Edin və Tanıyın

İşçilərin uğurlarını qeyd edin və təqdir edin. Hər bir işçinin şirkət üçün etdiyi töhfələri nəzərə almaq və onları tanıtmaq motivasiya səviyyəsini artırır və əməkdaşların şirkətə bağlılığını gücləndirir.

10. Fikirlərini və Ehtiyaclarını Soruşun

İşçilərə ehtiyac və istəklərini soruşmaq onlara dəyər verildiyini göstərir. Onların rəyini öyrənərək şirkətə olan bağlılıqlarını artırmaq mümkündür. Bu, həm də təşkilatda qarşılıqlı inam mühitini gücləndirir.

Nəticə: İşçi Bağlılığını Artırın

Uzunmüddətli işçi bağlılığı qurmaq işin davamlı uğurunu təmin edir. Xüsusilə çətin dövrlərdə motivasiyaya diqqət yetirmək işçilərin məhsuldarlığını artırır və şirkətin inkişafına müsbət təsir göstərir. İşçilərə doğru motivasiya verdikdə, şirkətin uğurunda onların əhəmiyyətli rolu olduğunu daha aydın görəcəksiniz. 

Davud