Cari ilin yanvar-iyun aylarında Azərbaycan xarici ölkələrdən 26 min 465 ton miqdarında, 58 milyon 620 min ABŞ dolları dəyərində ət alıb.

Valyuta.az Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə miqdar ifadəsi ilə 5 min 69 ton (23,7 %), dəyər ifadəsi ilə 18 milyon 171 min ABŞ dolları (45 %) çoxdur. Ötən ilin eyni dövründə Azərbaycana 21 min 396 ton miqdarında, 40 milyon 449 min ABŞ dolları dəyərində ət idxal edib.

Hesabat dövründə Azərbaycanın xaricdən aldığı ət ümumi idxalın 0,66 faizini təşkil edib.

Əvəz Həsənov