![](https://valyuta.az/file/articles/2024/07/20/1721453353_ultra3.jpg)
Xiaomi SU7 Ultra idman elektromobili təqdim edilib
Xiaomi şirkəti Çində özünün SU7 elektromobilinin idman versiyasını təqdim edib. Sözügedən elektromobilin idman versiyası Xiaomi SU7 Ultra adını əldə edib.
Şirkətin sözlərinə əsasən bu, dünyanın ən sürətli dörd qapılı elektromobilidir. Şirkət bildirib ki, SU7 Ultra üçün xüsusi kuzov hazırlanıb və elektromobilin çəkisinin aşağı salınması üçün karbon liflərindən hazırlanmış komponentlərdən istifadə edilib. Sözügedən elektromobil özündə 3 ədəd elektrikli mühərriki birləşdirir. Belə ki, Xiaomi SU7 Ultra hər biri 578 at gücündə olan iki ədəd V8s mühərrikini və 299 at gücündə olan V6 mühərrikini əldə edib. Məlumatda qeyd edilib ki, Xiaomi SU7 Ultra saatda 100 km sürəti 1.97 saniyəyə, saatda 200 km sürəti 5.96 saniyəyə, saatda 300 km sürəti isə 15.07 saniyəyə yığır.
Elektromobilin maksimal sürəti isə saatda 350 km-i keçir. Onun tormozlama yolu saatda 100 km sürətdən 25 metr təşkil edir. Xiaomi SU7 Ultra-nın satışa çıxıb-çıxmayacağı barəsində bir məlumat verilməyib.
© technote.az
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay