"Google" smartfonun təmiri zamanı qeyri-rəsmi hissələrdən istifadə olunubsa, onu müsadirə edə bilər. 

Valyuta.az xəbər verir ki, bu barədə “Android Authority” portalı "Google" sənədinə keçidlə məlumat yayıb.

İddiaları aşkar edən jurnalist Louis Rossmann yazıb: "Təsəvvür edin ki, telefonunuzu təmirə göndərirsiniz və geri qaytarmır".

May ayında məlum olub ki, "Samsung" da oxşar təcrübədən istifadə edir. Ancaq nə "Pixel", nə də "Samsung" smartfonlarında bu cür problemlər hələ yaranmayıb.

Tələb 19 iyul 2023-cü ildən qüvvədə olsa da, "Google"da belə bir qaydaya malik sənəd yalnız 2024-cü ilin iyun ayının əvvəlində diqqəti cəlb edib.

"Android Authority" tərəfindən bildirildiyi kimi, hər iki markanın cihazlarının özünü təmir proqramını dəstəklədiyini nəzərə alsaq, "Google" və "Samsung"un qərarı qəribə görünür. Çox vaxt rəsmi hissələr üçüncü tərəf istehsalçılarının tamamilə eyni analoqlarından daha bahalıdır. Buna görə istifadəçilər sertifikatlaşdırılmamış hissələri satın ala bilərlər. Bu cür cihazlar səlahiyyətli xidmət mərkəzinə çatarsa, onlar müsadirə edilə bilər.

Paşa Məmmədli