"AnTuTu" etalonunun tərtibatçıları smartfonlardan istifadəçi məmnuniyyətinin may ayı reytinqini tərtib ediblər.

Valyuta.az xəbər verir ki, birinci yeri yenidən 95,65% müsbət rəylərə malik olan qatlana bilən "Vivo X Fold3 Pro" tutub.

 İkinci yerdə ötənilki "Samsung Galaxy S23 Ultra" (95,3%), üçüncü yerdə isə iQOO 12 Pro (95%) qərarlaşıb.

İlk onluğa həmçinin 95% məmnunluq reytinqi ilə "Honor X50 GT", "Samsung Galaxy S24+" (94,78%), "Honor Magic6 Ultimate Edition" (94,29%), "Oppo Find X7 Ultra" (93,93%), "Samsung Galaxy S24 Ultra" (93,87%), "Samsung Galaxy S23" (93,56%) və "Realme GT Neo6 SE" (91,72%) daxildir.

"AnTuTu" nümayəndələri qeyd edirlər ki, cihazların istifadəçi reytinqləri onların faktiki performansı və smartfonların etalonda qiymətləndirilməsi ilə heç bir əlaqəsi yoxdur, çünki bu reytinq sahiblərin rəyləri əsasında tərtib edilib. Araşdırma mayın 1-dən 31-dək Çində Android smartfon istifadəçiləri arasında aparılıb.

Paşa Məmmədli