“Tacikistan Respublikasının Təhsil və Elm Nazirliyi ilə Azərbaycan Respublikası Təhsil Nazirliyi arasında əməkdaşlığa dair imzalanmış protokol”a uyğun olaraq 2024-2025-ci tədris ili üzrə Azərbaycan vətəndaşları üçün təqaüd proqramı elan edilir.

Valyuta.az Elm və Ali Təhsil üzrə Dövlət Agentliyinə istinadən xəbər verir ki, ali təhsilin bakalavriat, magistratura və doktorantura səviyyələri üzrə elan edilən təqaüd proqramı tacik, rus və ingilis dillərində tədris olunur.

Təqaüd proqramına müraciətlər iyunun 15-dək qəbul olunur. Proqram barədə daha ətraflı məlumatı elan vasitəsilə əldə etmək mümkündür.