Rusiya və Özbəkistan respublikada Rusiya layihəli Atom Elektrik Stansiyasının (AES) tikintisi üzrə müqavilə üzərində işləyirlər. 

Valyuta.az xəbər verir ki, bu barədə Rusiya prezidenti Vladimir Putinin Daşkəndə səfərinin materiallarında deyilir.

Özbəkistanda atom elektrik stansiyasının tikintisi mühüm birgə layihə adlanır.

"Hazırda AES-in baş müqaviləsinin parametrləri razılaşdırılır, həmçinin ölkədə kiçik nüvə reaktorları olan stansiyanın tikintisi məsələləri hazırlanır", deyə sənədlərdə qeyd olunur.

Mayın 23-də Rusiya prezidentinin köməkçisi Yuri Uşakov Vladimir Putinin mayın 26-27-də Özbəkistana səfər edəcəyini açıqlayıb. 

Paşa Məmmədli