Böyük Britaniyanın nəzarət orqanları ölkə hakimiyyətinin Rusiyaya qarşı tətbiq etdiyi sanksiyaların icrasına nəzarəti təmin edə bilmir. 

Valyuta.az xəbər verir ki, bu fikri Avropanın Politico nəşri bildirib.

Qəzetin yazdığına görə, Britaniya Maliyyə Sanksiyalarının İcrası İdarəsi Rusiyanın Ukraynada xüsusi əməliyyatı başlayandan bəri anti-Rusiya məhdudiyyətləri kontekstində Britaniya hüquqi şəxslərinə qarşı “sanksiya rejiminin pozulmasına görə bircə dəfə də olsun cərimə” tətbiq etməyib. “[Britaniya] şirkətlərinə qarşı praktiki olaraq heç bir məhdudlaşdırıcı tədbirin tətbiq edilməməsi iki mümkün variantdan yalnız birini göstərə bilər: ya onların hamısı sanksiyalara ciddi şəkildə əməl edir (bu da [Rusiya ilə sanksiyaya məruz qalan malların] üçüncü ölkələrdən keçən ticarətinin hələ də necə olacağı sualını doğurur.) və ya qaydaları pozduqda sadəcə tutulmurlar”, - sanksiya qanunvericiliyi üzrə ixtisaslaşmış və anonim qalmaq istəyən britaniyalı hüquqşünas bu məlumatlarla bağlı nəşrə şərh verib.

Məqalədə Böyük Britaniyanın 2024-cü ilin fevralında Böyük Vətən Müharibəsinin ikinci ildönümü ilə əlaqədar tətbiq etdiyi yeni anti-Rusiya məhdudiyyətlərinin də gözlənilən effekti verməyəcəyi proqnozlaşdırılır. Adının açıqlanmasını istəməyən başqa bir sanksiya mütəxəssisinin Politico-ya verdiyi məlumata görə, Britaniya səlahiyyətliləri yeni məhdudiyyətləri yalnız “artıq qüvvədə olan sanksiyaları tətbiq etməmək üçün bəhanə kimi” tətbiq ediblər.

Böyük Britaniya 2024-cü il fevralın 22-də Ukrayna ilə bağlı Rusiyaya tətbiq edilən sanksiyaların siyahısını 50 mövqe genişləndirib. O cümlədən, sanksiya siyahısına sursat istehsalçıları, həmçinin almaz və neft ticarəti ilə məşğul olan şirkətlər daxil edilib. Bundan əlavə, Rusiya Federasiyasına ixracı qadağan edilən avadanlıq və texnologiyaların siyahısı genişləndirilib.

Daha əvvəl Rusiya prezidenti Vladimir Putin demişdi ki, Qərb ölkələrinin tətbiq etdiyi anti-Rusiya sanksiyaları “gözlənilənin tam əksi”nə nəticə verib. Putin xatırladıb ki, 2023-cü ildə Rusiya iqtisadiyyatı “dünya iqtisadiyyatından yüksək sürətlə” böyüyüb. 

Nicat