Fərdi qaydada fəaliyyət göstərən stomotoloqlar hansı vergini ödəməlidirlər?

Valyuta.az bu barədə vergi məsələləri üzrə ekspert Nahid Tağıyevin şərhini təqdim edir: 

“Vergi Məcəlləsinin tələbinə əsasən, lisenziya tələb olunan fəaliyyətlə məşğul olan şəxslər sadələşmiş vergi ödəyicisi ola bilməz. Bu, o deməkdir ki, fərdi qaydada fəaliyyət göstərən stomotoloq yalnız gəlir vergisinin ödəyicisi ola bilər. Gəlirindən xərcini çıxaraq aradakı fərqə 20 faiz dərəcə ilə gəlir vergisi hesablamalıdır. Əgər, həmin stomotoloqun orta aylıq işçi sayı 3 və daha çoxdursa, bu halda həmin şəxs 75 faiz güzəşt hüququndan istifadə edə və gəlirlərinə 20 faiz deyil, 5 faiz dərəcə ilə vergi hesablaya bilər.

Stomotoloqun vergiyə cəlb olunan dövriyyəsi 12 ay ərzində 200 min manatı keçərsə, bu halda həmin şəxs növbəti aydan həmçinin ƏDV-nin ödəyicisi olur və 18 faiz dərəcə ilə ƏDV hesablamalı olacaqdır”.

Əvəz Həsənov