Yunanıstan hökuməti ev alqı-satqısı və kirayə bazarındakı təzyiqlər fonunda xarici mülk alıcılarının “qızıl viza” əldə etmək üçün ödəməli olduğu minimum məbləği artıracaq.

Valyuta.az xəbər verir ki, bu barədə “Reuters” ölkənin Maliyyə Nazirliyinə istinadən məlumat yayıb.

“Qızıl viza” ölkə iqtisadiyyatına investisiya yatırmaq üçün əldə edilə bilən yaşayış icazələri və ya pasportlardır.

Artıq əcnəbilər paytaxt Afina, ikinci böyük şəhər Salonikinin, Mikonos və Santorini, eləcə də əhalisi 3100-dən çox olan digər məşhur şəhərlərə minimum 800 000 avro sərmayə qoymalı olacaqlar.

Agentlik qeyd edib ki, avqust ayında Yunanıstan proqrama daxil olmaq üçün populyar ərazilərdə tələb olunan məbləği iki dəfə artıraraq onu 500 000 avroya çatdırıb.