“Bu ildə də manatın məzənnəsi neftin qiymətindən asılı olacaq”
Fevral ayındakı kəskin dollar tələbindən sonra xarici valyuta sifarişi yenidən stabilləşməkdədir. Fevral ayında hərraclarda 870,6 milyon dollarlıq sifariş qeydə alınıb, bu, əvvəlki ilin eyni ayı ilə müqayisədə 2,6 dəfə çox idi.
Valyuta.az xəbər verir ki, bu barədə Milli Məclisin deputatı Vüqar Bayramov məlumat verib. O, bildirib ki, art ayında dollar tələbinin stabilləşməsi müsbət haldır:
“Mart ayında xarici səfərlərin sayının çoxluğunu nəzərə alaraq Mərkəzi Bankın kommunikasiya alətindən mütəmadi istifadə etməsi vacibdir. Bu ildə də manatın məzənnəsi tədiyyə balansının vəziyyətindən, daha dəqiqi neftin qiymətindən asılı olacaq. Bunu Mərkəzi Bankın 2024-cü il üçün pul siyasətinin əsas istiqamətləri barədə Bəyanatının təhlili göstərir.
Fiskal sektorun valyuta təklifi və tələbi, eləcə də iqtisadi subyektlərin məzənnə gözləntiləri valyuta bazarındakı tarazlığa təsir göstərən əsas amillər kimi qruplaşdırılsa da, aydındır ki, bu indikatorlar da birbaşa enerji bazarındakı volatillikdən asılı olacaq”.
Deputat bu ildə də neft gəlirlərimizin manatın məzənnəsinə təsir edən əsas faktor olacağını qeyd edib:
Mərkəzi Bankın məzənnə siyasəti üzrə əməliyyat hədəflərinə nail olmaq üçün valyuta bazarına zəruri hallarda müdaxilə edəcəyini bildirməsi ondan xəbər verir ki, enerji bazarında ciddi volatillik baş verəcəyi halda valyuta ehtiyatlarımızdan istifadə edə bilər.
Bütün bunlar kontekstində isə, dollara tələbin stabilləşməsi Mərkəzi Bankın valyuta bazarına təsir imkanlarını genişləndirir. Bu növbəti mərhələdə intervensiyanın sterilizasiya ilə əvəzlənməsinə gətirib çıxara bilər.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay