Cari ilin yanvar-fevral ayları ərzində Türkiyədən Azərbaycana 14 milyon 635 min ABŞ dolları dəyərində avtomobil sənayesi məhsulları gətirilib.

Valyuta.az bu barədə Türkiyə İxracatçıları Məclisinə istinadən xəbər verir ki, bu rəqəm ötən ilin eyni dövrü ilə müqayisədə 2 milyon 24 min ABŞ dolları, yaxud da 12.1% azdır. Ötən ilin eyni dövründə bu rəqəm 16 milyon 659 min ABŞ dolları dəyərində olub.

Görəsən, Türkiyədən Azərbaycana gətirilən avtmobil sənayesi məhsullarının azalmasına hansı amillər səbəb olub? 

İqtisadçı ekspert Fuad İbrahimovun fikrincə, Türkiyədən gətirilən avtomobil sənayesi məhsulunun çəkisinin azalmasında Çinin həmin sahədəki çəkisinin artması öz təsirini göstərib: 

"Ticarətdə aktual bazar məsələsi var. Hazırkı avtomobil sənayesi bazarına diqqət yetirsək, görərik ki, idxal nöqtələrində dəyişikliklər baş verir. İndi Çin avtomobil bazarının çəkisi kifayət qədər artıb və bu artım davam edəcək. Türkiyədən gələn avtomobil sənayesi məhsullarının azalmasına da Çin amil öz təsirini göstərib. Əvəzində Çin sənaye məhsullarının çəkisinin artdığını görürük. Parametrlər dəyişir. Çin bazarı sürətlə digər idxal nöqtələrinə təsir göstərir".

Ramiz