“Avromed Company” Qapalı Səhmdar Cəmiyyəti (QSC) cərimələnə bilər. 

Valyuta.az xəbər verir ki, şirkət barəsində İnzibati Xətalar Məcəlləsinin 485.2-ci (Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsi) maddəsi ilə iş başlanıb. 

İşə Nəsimi Rayon Məhkəməsində baxılacaq. 

485.2-ci maddədə vəzifəli şəxslərin 1000 manat məbləğində, hüquqi şəxslərin isə 1500 manat məbləğində cərimə edilməsi nəzərdə tutulur. 
Mediada gedən məlumatlara görə, "Avromed Company” QSC deputat Cavanşir Feyziyevə məxsusdur. Deputatla bağlı biorafik məlumatlarda da onun 2002-2010-cu illərdə QSC-nin baş direktoru vəzifəsində çalışdığı göstərilir.

2020-ci ildə şirkətin yaydığı açıqlamada isə qeyd edilir ki, Cavanşir Feyziyev 2010-cu ilə qədər "Avromed”in direktoru vəzifəsində çalışıb. O, 2016-cı ildə səhmlərini satıb.

Bununla belə, İngiltərədə Cavanşir Feyziyevin ailəsinə məxsus 5,6 milyon funt-sterlinqin müsadirə olunması ilə bağlı materiallarda onun 2013-cü ildə viza müraciəti zamanı özünü "Avromed Company” QSC-nin icraçı direktoru kimi təqdim etdiyi bildirilir.

Hüseyn