“Capitals Auction” MMC məhkəməyə verilib.

Valyuta.az xəbər verir ki, MMC-ni məhkəməyə  Təhməzova Almas İsa qızı verib.

“Capitals Auction" MMC müqavilələrdən irəli gələn öhdəliyi yerinə yetirməməkdə ittiham olunur. 

İddiaya Bakı Apellyasiya  Məhkəməsində baxılacaq. İş üzrə hakim İkram Şirinov  təyin edilib. 

Məlumat üçün  bildirək ki, "Capitals Auction" MMC sifariş əsasında açıq hərracların təşkili ilə məşğuldur. 

Şirkətin adı müxtəlif dövrlərdə hərraclarla bağlı qalmaqallarda hallandırılıb. 

2023-cü il iyunun 13 də Dövlət Gömrük Komitəsinin vəzifəli şəxsləri barəsində həmin qurumdan Baş Prokurorluğa daxil olmuş materiallar üzrə araşdırma aparılan zaman “Capitals Auction” MMC-nin vəzifəli şəxslərinin cinayət əməlləri ifşa edilib.

Baş prokuror yanında Korrupsiyaya qarşı Mübarizə Baş İdarəsində aparılan istintaqla Anar Cəlilovun qeyd olunan MMC-nin direktoru vəzifəsində işləyərkən Dövlət Gömrük Komitəsinin “Azərterminalkompleks” Birliyinin rəsmi məktubu əsasında təhvil aldığı 30 min manat dəyərində müsadirə edilmiş dərman preparatlarının guya vətəndaş tərəfindən hərracda daha aşağı qiymətə alınmasına dair rəsmi sənədlərə bilə-bilə yalan məlumatlar daxil etməsinə əsaslı şübhələr müəyyən edilib.

Lakin daha sonra "Capitals Auction" MMC Baş Prokurorluğun yaydığı xəbərdəki ittihamları təkzib edib. 

Davud