Türkiyə bankları 2025-ci il yanvarın 1-dən inflyasiya uçotuna keçəcək. 

Valyuta.az xəbər verir ki, bu barədə “Habertürk” telekanalı Bankların Tənzimlənməsi və Nəzarəti Agentliyinin (BDDK) qərarına istinadən məlumat yayıb.

“Bankların Tənzimlənməsi və Nəzarəti Agentliyi (BDDK) maliyyə lizinqi, faktorinq, maliyyələşdirmə, əmanətlərin maliyyələşdirilməsi və aktivlərin idarə edilməsi ilə məşğul olan bankların və şirkətlərin 2025-ci il yanvarın 1-dən inflyasiya uçotuna keçəcəyini açıqlayıb", deyə telekanal qeyd edib.

Türkiyədə illik inflyasiya noyabrda 61,98%-dən sürətlənərək dekabrda 64,77% təşkil edib. Lakin Müstəqil İqtisadçılar Qrupu (ENAG) inflyasiyanın 127,21% olduğunu təxmin edir.

Türkiyənin maliyyə naziri Mehmet Şimşək bir müddət əvvəl inflyasiyanın gələn ilin sonuna qədər yarıya qədər azalacağını və 34%-ə düşəcəyini gözləyir. Dekabrda Türkiyə Mərkəzi Bankı uçot dərəcəsini 40%-dən 42,5%-ə qaldırıb.

Paşa Məmmədli