Ukraynalı qaçqınların yalnız yarısı Avropada iş tapıb, qalanlarının yaşayış vasitələri yoxdur. 

Valyuta.az xəbər verir ki, bu barədə "ABC News" BMT-nin məlumatlarına istinadən yazıb.

"Məktəb yaşındakı qaçqınların yalnız yarısı yerləşdikləri ərazidə məktəbə gedir, yalnız 40-60%-i işləyir və bir çoxu heç bir dəstək olmadan həssas vəziyyətdə qalır", deyə nəşr qeyd edib.

Bildirilir ki, BMT bu məlumatlardan Ukraynaya 1,1 milyard dollar yardım tələbini əsaslandırmaq üçün istifadə edib. Pul 2,3 milyon qaçqına və onları qəbul edən ölkələrə dəstək olacaq.

Bu arada Polşa bildirib ki, hökumət və ölkə sakinləri yeni ukraynalı qaçqın dalğasına hazırlaşmalıdırlar. Bu bəyanatla respublikanın xarici işlər nazirinin müavini Anjey Şeyna çıxış edib. Şotlandiya hökuməti isə qaçqınlar üçün qısamüddətli yaşayış üçün şəhərlərin və bələdiyyələrin xərclərini ödəməyi dayandırmaq qərarına gəlib.
​
Paşa Məmmədli