Rusiya Federasiyası Mərkəzi Bankının hazırkı yüksək əsas dərəcəsi 16% müvəqqətidir, inflyasiya yatırıldıqca dəyişəcək. 

Valyuta.az xəbər verir ki, bunu Rusiya prezidenti Vladimir Putin Uzaq Şərq sahibkarları ilə görüşündə deyib. Tədbiri Kremlin mətbuat xidməti Teleqram kanalında yayımlayıb.

“İnflyasiya ilə bağlı məsələlər həll olunduqca, inflyasiya yatırıldıqca, düşünürəm ki, bu mövqe dəyişəcək”, - o deyib.

Dövlət başçısı vurğulayıb ki, Mərkəzi Bankın rəhbəri Elvira Nabiullina və bir çox ekspertlər bu fikrə sadiqdirlər.

Rusiya lideri ölkədə inflyasiya vəziyyətinin yaxşılaşacağına da əmin olduğunu bildirib.

"Daha yaxşı olacaq. Düşünürəm ki, biz hədəf göstəricilərə çatacağıq”, - prezident vurğulayıb.

Nicat