Hindistanın 31 mart 2024-cü il tarixində başa çatacaq cari maliyyə ili üçün ixracı Yəmən husi üsyançılarının Qırmızı dənizdəki gəmilərə hücumu təhdidlərinin səbəb olduğu konteyner daşıma tariflərinin artması səbəbindən 30 milyard dollar aşağı ola bilər. 

Valyuta.az xəbər verir k, bu barədə Hindistanın “Business Standard” qəzeti məlumat yayıb.

Mərkəzin baş direktoru Saçin Çaturvedinin sözlərinə görə, Qırmızı dənizdəki böhran Hindistanın ticarətinə həqiqətən təsir edəcək və 30 milyard dollara qədər azalmaya səbəb ola bilər.

Göndərmə ilə bağlı təhdidlər səbəbindən Hindistan ixracatçıları Qırmızı dəniz vasitəsilə Avropa, ABŞ, Yaxın Şərq və Afrikaya tranzit keçən yüklərin təxminən 25%-nin daşınmasını məhdudlaşdırmağa məcbur olurlar. Bunu Hindistan İxrac Təşkilatları Federasiyasının rəhbəri Ajay Sahay deyib.

İqtisadçıların fikrincə, konteynerlərin Qırmızı dənizdən yan keçməsi çatdırılma müddətini bir neçə həftə artırır və 40 futluq konteynerin daşınması xərclərini 2 min dollardan 6 min dollara qaldırır.

Noyabrın ortalarında husilər Fələstin-İsrail münaqişəsinin kəskinləşməsi səbəbindən İsraili vuracaqları və Qırmızı dənizdə gəmiçiliyi dayandıracaqları ilə hədələyiblər.

Paşa Məmmədli