Qlobal aviaşirkətlərin səhmləri aviabiletlərin ucuzlaşması gözləntiləri fonunda yüksəlir. 

Valyuta.az xəbər verir ki, bu barədə “Investopedia” portalı məlumat yayıb.

Dekabrın son günləri və yanvarın ilk günlərində neftin əsas markalarının (Brent və WTI) kotirovkaları bir neçə faiz azalıb ki, bu da aviabiletlərə tələbatın artması (yanacaq ucuzlaşması səbəbindən) gözləntilərini artırıb.

Nəticədə, son günlərdə həm Amerika şirkətlərinin (American Airlines, Delta Airlines, Southwest Airlines və onlarla başqaları), həm də Avropa şirkətlərinin (xüsusən, Ryanair və Air France-KLM) kotirovkaları bir neçə faiz bahalaşıb.

Qeyd edək ki, bu tendensiya qısamüddətli xarakter daşıyır və bazar şəraitindən asılı olaraq dəyişə bilər.

Paşa Məmmədli