Rusiya iqtisadiyyatı çətin dövrlərdən keçir. Onun bir çox problemləri var, əsas problem kiçik və orta müəssisələrin strukturundadır.

Valyuta.az xəbər verir ki, bunu Prezidentin Sahibkarların Hüquqlarının Müdafiəsi üzrə Müvəkkili Boris Titov deyib.

Ekspert izah edib ki, kiçik və orta sahibkarlıq hazırda Rusiyanın ehtiyac duyduğu iqtisadiyyat səviyyəsinə uyğun gəlmir. Onun sözlərinə görə, vəziyyəti dəyişmək üçün onların strukturunu istehsalın xeyrinə dəyişmək lazımdır. Titov vurğulayıb ki, hələlik bu, ölkə iqtisadiyyatının əsas problemidir.

O qeyd edib ki, kiçik və orta sahibkarlığın əksəriyyəti istehsalla deyil, topdan və pərakəndə ticarətlə məşğuldur. Üstəlik, Rusiyada belə təşkilatların sayı 37% təşkil edir. Titov qeyd edib ki, Rusiya Federasiyasında inflyasiya ilə mübarizə aparmaq üçün istehsalın yaradılması və yeni müəssisələrin açılması, eləcə də istehsal olunan məhsulların sayını artırmaq lazımdır.

Nicat