Dünyanın ən zəngin 500 adamı arasında olan milyarderlər 2022-ci ildəki 1,4 trilyon dollar məbləğindəki itkiləri 2023-cü ildə geri qaytarmağı bacarıblar. 

Valyuta.az xəbər verir ki, bu barədə "Bloomberg" yazır.

Ümumilikdə planetin 500 ən varlı milyarderinin kapitalı 1,5 trilyon dollar artıb. Beləliklə, onlar nəinki ötən ilki itkiləri kompensasiya edə, həm də əlavə 100 milyard dollar qazana bildilər.

"Bloomberg"in məlumatına görə, sərvətlərin bərpasına ən böyük töhfəni texnologiya şirkətlərinin sahibləri edib. Onların kapitalı 658 milyard dollar və ya 48% artıb. Mütəxəssislər bu artımı süni intellekt texnologiyaları ətrafında yaranan hay-küylə əlaqələndirirlər.

"Bloomberg" indeksinə görə dünyanın ən zəngin üç adamı "Tesla"nın qurucusu İlon Mask, LVMH-nin baş direktoru Bernard Arnault və "Amazon"un yaradıcısı Ceff Bezosdur.

95 milyard dollar qazanmasına baxmayaraq Mask 2022-ci ildəki 138 milyard dollarlıq itkisini tam ödəyə bilməyib. "Bloomberg"in məlumatına görə, onun sərvəti 229 milyard dollar qiymətləndirilir. 

Sərvəti 179 milyard dollar olaraq qiymətləndirilən Arnault Maskı geridə qoyub, lakin dəbdəbəli mallara tələbin azalması əngəllərə səbəb olub.

Bezos 177 milyard dollarla üçüncü yeri tutur. O, bu il 70 milyard dollar qazanıb və reytinqdə ikinci yerə yaxındır.

Ekspertlər qeyd edirlər ki, 2022-ci il inflyasiya, yüksək faizlər və geosiyasi risklər səbəbindən milyarderlərin sərvətinin kəskin azalmasına səbəb olub. Lakin bu il bunu geri qaytara biliblər. İstisna, fərdi maqnatların səhvləri olub, məsələn, Maskın "Twitter"i almaq müqaviləsi...