Avropada qazın orta qiyməti 2023-cü ilin sonunda üç dəfə və ya 67% ucuzlaşıb.

Valyuta.az xəbər verir ki, bu barədə TASS London ICE birjasının fyuçerslər və öz hesablamalarına istinadən yazır.

Əgər 2022-ci ildə birja ticarətində qazın orta qiyməti 1 min kubmetr üçün 1400 dollar olmuşdusa, bu il - 464 dollara düşüb. Qiymətlərin ucuzlaşmasına səbəb kimi havaların isti keçməsi, qazın rekord həcmdə saxlanması və Avropa İttifaqında (Aİ) qaza tələbatın azalması göstərilir. İl ərzində qazın qiyməti 67% ucuzlaşıb.

Almaniya kansleri Olaf Şolz ayın əvvəlində Rusiyanı qaz da daxil olmaqla enerji qiymətlərinin kəskin artmasında ittiham edib. O vurğulayıb ki, dünya bazarlarında mövcud vəziyyətdə Avropa ölkələri qaza görə əvvəlkindən 10 dəfə çox pul ödəməlidir.

Dekabrın ortalarında Aİ-nin energetika nazirləri qaz qiymətlərinə məhdudiyyətin bir il müddətinə uzadılması barədə razılığa gəliblər. Limit 31 dekabr 2024-cü il tarixinədək qüvvədə olacaq.

Bundan əvvəl məlum olmuşdu ki, İtaliya da daxil olmaqla, bir sıra Aİ ölkələri qazın qiymətinin MVt/saat üçün 200 avrodan aşağı səviyyədə tavanına nail olmaq niyyətindədirlər.

Nicat