Alman Pərakəndə Ticarət Assosiasiyasının rəhbəri Stefan Gent bildirib ki, Ukrayna və Qəzza zolağında  münaqişələr alman istehlakçılarını Milad bayramında daha az pul xərcləməyə məcbur edir. 

Valyuta.az xəbər verir ki, bu məlumat Frankfurter Allgemeine-də paylaşılıb.

Gent qeyd edib ki, Alman Pərakəndə Ticarət Assosiasiyasına (HDE) görə, hazırda alman istehlakçıları arasında Milad xərcləri orta səviyyədədir. Onun sözlərinə görə, almanlar bayramqabağı alış-verişdə “çox zəif başlanğıc” nümayiş etdirirlər ki, bu da təkcə pərakəndə satışda deyil, həm də onlayn ticarətdə özünü göstərir.

HDE rəhbəri qeyd edib ki, qeyri-müəyyənlik, qiymət artımı və istehlakçı qənaətləri səbəbindən satışın beş-altı faiz azalacağı gözlənilir.

Bundan əvvəl Almaniya Mərkəzi Bankı qlobal tələbatın zəif olması səbəbindən 2024-2025-ci illər üçün ölkənin ümumi daxili məhsulunun (ÜDM) artımı ilə bağlı proqnozunu aşağı salıb. Maliyyə tənzimləyicisi Almaniyanın ÜDM-nin 2024-cü ildə 0,4%, 2025-ci ildə isə 1,2% artacağını gözləyir. Bundan əvvəl hesabata görə, müvafiq olaraq 1,2% və 1,3% artım olub.

2023-cü ilin iyul-sentyabr aylarında Almaniyanın ÜDM-i 0,1% azalıb. İllik ifadədə isə Almaniyanın ÜDM-i 0,8% azalıb.

Sağçı “Almaniya üçün Alternativ” partiyasından olan deputat Leif-Erik Holm noyabrın 3-də Almaniya hökumətini “çılğın sanksiya siyasətindən” əl çəkməyə çağırıb.

Nicat