“Naxçıvan Bank”ın 2023-cü ilin III rübündə fiziki şəxslərin depozitlərinin məbləği 288,3 min manat təşkil edib.

Valyuta.az bankın maliyyə hesabatına istinadən xəbər verir ki, “Naxçıvan Bank”ın 2023-cü ilin III rübündə fiziki şəxslərin depozitlərinin məbləği 2022-ci ilin III rübü ilə müqayisədə 14 milyon 036 min manat, yaxud da 50 dəfə azdır.

“Naxçıvan Bank”da hüquqi şəxslərin depozitləri bu ilin III rübündə 2 milyon  manat təşkil edib. Qeyd edək ki, bankın ötən ilin müvafiq dövründə hüquqi şəxslərin depozitləri yox idi. 

“Naxçıvan Bank”ın 2023-cü ilin III rübündə fiziki və hüquqi şəxslərin müddətli depozitlərinin cəmi məbləği 2 milyon 288 min manat təşkil edib. Bu isə ötən ilin yanvar-oktyabr ayları ilə müqayisədə 12 milyon 036 min manat, yaxud da 6,2 dəfə azalıb. 

Xatırladaq ki, “Naxçıvan Bank” 2023-cü ilin III rübünü 11,34 milyon manat xalis mənfəətlə bitirib. Bu, ötən ilin eyni dövrü ilə müqayisədə 8,7% və ya 1,08 milyon manat azdır. Belə ki, bank 2022-cü ilin ilk doqquz ayını 12,4 milyon manat xalis mənfəətlə bağlamışdı.  

Qeyd edək ki, “Naxçıvan Bank” 2008-ci ildə yaradılıb. Onun nizamnamə kapitalı 94 milyon manatdır. Bankın səhmlərinin 63,66%-i Hüseyn Məmmədova, 26,52%-i Rüfət Məmmədova (Müşahidə Şurasının üzvü), 9,82%-i isə Binnət Novruzova (Müşahidə Şurasının sədri) məxsusdur.

Nara