“Sakit işdən çıxmaq” haqqında eşitmisiniz? - İnsan resursları mütəxəssisi yazır
İnsan resursları üzrə mütəxəssis Aygün Hüseyn yazır.
Sakit işdən çıxmaq nədir?
Bu halda işçi işləməyə davam edir, lakin iş qrafiki çərçivəsində və razılaşdırılmış vəzifələrdən kənar qəti olaraq heç bir iş görmək istəmir, edərsə könülsüz, həvəssiz edəcək. Onlar fiziki olaraq işdə olsalar da, mənəvi olaraq isə şirkətdən uzaqlaşmış olurlar. Bir sözlə, işi uzağı vəzifə çərçivəsində yola verməyə çalışırlar. Burada heç bir yaradıcılıqdan, təşəbbüskarlıqdan, işə məsuliyyətlə yanaşmaqdan söhbət gedə bilməz.
Adətən, tükənmişlik sindromu insanı "Sakit işdən çıxmaq" mərhələsinə aparır. Bu mərhələdə çalışan işçiyə diqqətsizlik, motivasiyanın olmaması, məsuliyyətdən boyun qaçırmaq və tapşırıqları yerinə yetirmək üçün aktiv olmamaq, minimum təşəbbüskarlılıq, öyrənməyə, inkişafa marağın olmaması xarakterik əlamətlərdəndir. İnkişafa marağı olmayan kadr öz bilik və bacarıqları üzərində işləməyəcək nəticədə işçi nəinki şirkət, eləcə də öz gələcəyi üçün də təhlükə yaradacaq.
Bunlardan əlavə, "Sakit işdən çıxma" digər işçilər üçün də pis bir nümunə olaraq yoluxucudur - həmkarının enerjiyə qənaət rejimində necə işlədiyini və eyni maaşı aldığını görən aktiv işçi, növbəti dəfə həmin işçiyə baxaraq özünü ona "bənzətməyə" çalışacaq.
Əgər siz özünüzdə bu halı müşahidə edirsinizsə, nələrisə dəyişməyə çalışın. Nəzərə alın ki, etdiyiniz birbaşa kadr olaraq öz peşəkarlığınıza xələl gətirəcək. Olduğunuz mühitdən məmnun deyilsinizsə, unutmayın siz ağac deyilsiniz, mühiti daima dəyişə bilərsiniz.
Əgər əhatənizdəki əməkdaşda bu halı müşahidə edirsinizsə, xüsusən rəhbər heyətisinizsə, tövsiyə edərdim ki, "Sakit işdən çıxmaq" səbəbini və ümumiyyətlə, nədən qaynaqlandığını aydınlaşdırasınız. Bu bəzən yorğunluqdan, aldığı əmək haqqından və ya tutduğu vəzifədən narazı olduğundan yarana bilər. Bunları dəqiqləşdirdikdən sonra həmin əməkdaşa dəstək olmaq daha asanlaşacaq.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay