Rusiyadan köçənlərin gəlişi Ermənistanda mal və xidmətlərin qiymətinə güclü təsir göstərivb.

Valyuta.az xəbər verir ki, bu barədə RBC telekanalı məlumat yayıb.

Demək olar ki, hər şeyin qiymətinin qalxdığı qeyd edilir. Belə ki, indi Ermənistanda saç düzümü təxminən 2,6-5,5 min rubla (təxminən 50-105 manat) başa gəlir. Ermənistana köçmüş rus qadınlarından birinin dediyinə görə, ölkədə rahat yaşayış səviyyəsi adambaşına 3 min dollardan (təxminən 5100 manat) başlayır.

Digər Rusiya vətəndaşı isə bildirib ki, orada Aİ-95 markalı benzinin bir litrinin qiyməti 142 rubla (təxminən 2,7 manat) çatır. Qeyd olunur ki, Ermənistana köçən ruslar üçün fəal şəkildə infrastruktur yaradırlar.

Mart ayında Ermənistan İqtisadiyyat Nazirliyinin rəhbəri Veqan Kerobyan bəyan etmişdi ki, 2022-ci ildə ölkəyə 100 mindən çox Rusiya vətəndaşı gəlib.

Paşa Məmmədli