2023-cü ilin ilk on ayında “İpək Yolu Sığorta” şirkətinin topladığı sığorta haqqları 15,55 milyon manat təşkil edib.

Valyuta.az-ın hesablamasına görə, bu ötən ilin eyni dövrü ilə müqayisədə 20,1% azdır. Başqa sözlə, son bir ildə sığorta şirkətinin yığımları üzrə itkiləri 3,9 milyon manat olub. 2022-ci ilin yanvar-oktyabr aylarında “İpək Yolu Sığorta” 19,5 milyon manat sığorta haqqı toplaya bilmişdi.

“İpək Yolu Sığorta”nın sığorta ödənişləri isə sözügedən dövrdə cəmi 15,3% artaraq 173 min manat təşkil edib. 2022-ci ilin eyni dövründə bu rəqəm 150 min manata bərabər olmuşdu.

Sığorta şirkətinin yığımları ilə ödənişləri arasında kəskin fərqin olması zərərliliyinə cüzi təsir edib. Belə ki, 2022-ci ilin yanvar-oktyabr aylarında “İpək Yolu Sığorta” topladığı hər 100 manatdan 1 manat ödənişə yönəldibsə, bu ilin eyni dövründə bu rəqəm 0,8 manat təşkil edib.

Xatırladaq ki, "İpək Yolu Sığorta" 1995-ci ildə yaradılıb. Onun nizamnamə kapitalı 14,77 milyon manatdır. Şirkətin səhmlərinin 96,53%-i “ASG Business Aviation” MMC-yə, 3,47 %-i isə "Azərbaycan Hava Yolları" QSC-yə məxsusdur.

Mahir