“Qəzalı vəziyyətdə olan binaların yaxın 10-15 il ərzində söküntüsü həyata keçiriləcək. Əvvəlcə 2-3, sonra isə 5 mərtəbəli binalar söküləcək”.

Bunu Valyuta.az-a açıqlamasında əmlak eksperti Ramil Qasımzadə deyib. Ekspert qəzalı vəziyyətdə olan binaların söküntüsünün eyni vaxtda aparılmasını qeyri-mümkün sayır:

“Bakıda binaların söküntüsü birdən-birə aparılmır. Şəhərdə qəzalı vəziyyətdə olan binalar çoxdur. Yalnız bunun kütləvi hal daşıması ilə bağlı söylənilən fikirlər düz deyil. Bunlara qəzalı vəziyyətdə deyil, istismar müddəti başa çatmış olan binalar desək, daha doğru olar. Qəzalı vəziyyət o deməkdir ki, binanın aşınma dərəcəsi 70%-dən yuxarıdır və ayaq üstə dura bilmir. Yalnız bundan sonra biz ona qəzalı vəziyyətdə deyə bilərik”. 

Ekspert bildirib ki, bu binalar 1950-1960-cı illərdə tikilən layihələrdir:

“Dövlət Şəhərsalma və Arxitektura Komitəsinə müəyyən layihələr təqdim olunduqca onların söküntüsü həyata keçiriləcək. Onların bəziləri kommersiya layihələridir”.

Aylin