Moskva taxıl müqaviləsi ilə bağlı məsələləri müzakirə etməkdən imtina etmir, lakin indiyədək Rusiyanın tələbləri yerinə yetirilməyib.

Valyuta.az xəbər verir ki, bunu Rusiya xarici işlər nazirinin müavini Sergey Verşinin “Rossiya Seqodnya” media qrupunda keçirdiyi mətbuat konfransında deyib.

"Biz bu məsələləri müzakirə etməkdən çəkinmirik, deyirik və göstərməyə çalışırıq ki, bu məsələ həm də Rusiyaya qarşı informasiya hücumu üçün istifadə olunur", - Verşinin vurğulayıb.

Diplomat diqqətə çatdırıb ki, ilk növbədə Rusiya gübrələri və kənd təsərrüfatı məhsullarına tətbiq edilən sanksiyaların aradan qaldırılmasına nail olmaq, daha sonra İstanbul razılaşmalarının digər hissələrinin bərpasından danışmaq lazımdır. Bundan əvvəl, il ərzində Rusiyaya yalnız vədlər verilib, - Verşinin qeyd edib.

Rusiya prezidenti Vladimir Putin bildirib ki, bütün tələblər yerinə yetirilərsə, xüsusən də Rusiya kənd təsərrüfatı məhsullarının ixracına qoyulan məhdudiyyətlər aradan qaldırılarsa, Rusiya taxıl müqaviləsinə qayıdacaq.

Müqavilə iyulun 18-də başa çatıb. Putin dəfələrlə Qərbin Ukrayna taxılının böyük hissəsini öz ölkələrinə ixrac etdiyinə diqqət çəkib və bildirib ki, sazişin əsas missiyası - ehtiyacı olan ölkələri, o cümlədən Afrikanı taxılla təmin etmək heç vaxt həyata keçirilməyib.

Nicat