Valyuta.az həftə sonu izləmək üçün biznes təcrübələrini özündə əks etdirən filmləri təqdim edir. Bu həftə üçün seçimimiz “Apple” və “Windows” şirkətinin necə yarandığını göstərən, informativ Amerika bioqrafik dram filmi olan “Silikon Vadisinin Piratları“ (Pirates of Silicon Valley) filmidir.

Utopik ideyalarını dünyanı fəth edən şirkətlərə çevirən iki gənc kompüter dahisi, uzaqgörən və ixtiraçı Bill Qeyts və Stiv Cobsdan bəhs edən bu hekayə hər bir sahibkar və biznes sahiblərinə təsir edəcək. Bu film hər iki personajın dünyanın ən böyük iki şirkətini - “Apple” və “Microsoft”u yaradarkən keçdikləri enişli-yoxuşlu yolu təsvir edir. İxtiraların necə meydana gəldiyini və informasiya texnologiyaları sənayesində uğur qazanmaq üçün insanların hansı qabiliyyətlərə malik olması lazım olduğunu göstərir.

Onların arzuları gerçəkləşir. Qalanlarımızın isə bu maraqlı prosesi müşahidə etmək və onların nəticələrini öz məqsədlərimizə, arzularımıza uyğun həyata keçirmək imkanı var.

1999-cu ildə Martin Burkenin rejissorluq etdiyi filmdə Stiv Cobs rolunda Noah Uaylin və Bill Qeyts rolunda Entoni Maykl Hollun çəkilib.

Film 1971-1997-ci illəri əhatə edən, Paul Freiberger və Michael Swainenin 1984-cü ildə yazdığı “Od in the Valley: The Making of the Personal Computer” kitabı əsasında çəkilib. Kitab Cobs (Apple) və Qeyts (Microsoft) arasındakı rəqabətin inkişafa təsirini araşdırır.

Nuray