Erməni konyakının Rusiyaya ixracı ilə bağlı problemlər bu ilin martında başlayıb, məsələləri yüksək səviyyədə həll etmək lazımdır. 

Valyuta.az xəbər verir ki, bunu Ermənistan konyak istehsalçılarının koordinatoru Marina Arakelyan deyib //t.me/SputnikARM/62120 . 

Çətinliklərin siyasi çalarları yoxdur, lakin hökumətin köməyi tələb olunur, - deyə koordinator aydınlaşdırıb. Onun sözlərinə görə, konyak istehsalçıları “Rosalkoqolrequlirovanie” ilə əlaqə saxlamaq niyyətindədirlər.

Rusiyanın iri alkoqol idxalçıları Ermənistandan konyak tədarük edərkən problemlə üzləşiblər, - RBC bazarın iki iştirakçısına istinadən oktyabrın 3-də bildirib. Onların sözlərinə görə, Rusiya Federasiyasının Federal Gömrük Xidmətinin Ermənistandan yük daşıyan avtomobillərə yoxlamaları gücləndirdiyi Yuxarı Lars keçid məntəqəsində yük maşınlarının Rusiya-Gürcüstan sərhədindən keçməsi ilə bağlı çətinliklər yaranıb.

Mayın 19-da Fransanın “Pernod Ricard” şirkətinə məxsus İrəvan brendi zavodunun Rusiyaya “Ararat” konyakının tədarükünü dayandırmadığı barədə məlumat yayılıb. “İnterfaks” mənbəsinin məlumatına görə, “Pernod Ricard”ın Rusiyada biznesin dayandırılması ilə bağlı bəyanatı “Ararat”ın Rusiyadakı tərəfdaşı olan “PR Roussun” bu ölkədəki fəaliyyətinin dayandırılmasını nəzərdə tutur. Mayın 18-də Ermənistan İqtisadiyyat Nazirliyinin rəhbəri Vaan Kerobyan bildirib ki, Fransanın “Pernod Ricard”a məxsus İrəvan Konyak Zavodu Rusiyaya məhsul ixracını dayandıra bilər. O, dəqiqləşdirib ki, hazırda bu məlumat rəsmi açıqlama deyil. Kerobyanın sözlərinə görə, bu vəziyyət üzüm alışına təsir edən problemlər yaradacaq.

Rusiya Federasiyasının Ukraynada xüsusi əməliyyatı başladıqdan sonra alkoqollu içkilər istehsal edən bir sıra şirkətlər Rusiya bazarını tərk edib: Diageo (brendlər Johnnie Walker, Baileys və s.), LVMH (Hennessy, Moët & Chandon, Bacardi Limited), “Pernod Ricard” (Chivas Regal, Jameson, Absolut, Ararat) və Brown Forman. Ekspertlər qeyd ediblər ki, 2022-ci ilin ikinci rübündə azalmadan sonra spirtli içkilərin idxalı bərpa olunmağa başlayıb.

Nicat