Avropa dünyanın iqtisadi vəziyyəti ən çox narahat edən regiondur. Səbəblər davam edən inflyasiya və enerji qiymətlərinin kəskin artmasıdır. Avrozona indi tənəzzülün astanasındadır. 

Valyuta.az xəbər verir ki, bu nəticə Birləşmiş Millətlər Təşkilatının Ticarət və İnkişaf üzrə Konfransının (UNCTAD) 2023-cü il üçün dərc olunmuş hesabatında yer alıb.

Sənəddə deyilir ki, bəzi hökumətlər artan neft və qaz qiymətlərini “qismən kompensasiya ediblər”, lakin indi kəsir təzyiqlərini kompensasiya etmək üçün öz maliyyə xərclərini azaldırlar.

Avrozonanın 2023-cü ildə hələ də yüksək müsbət artım gözlənilsə də, o, "bıçaq ağzındadır".

BMT ekspertləri qeyd edirlər ki, Avropa Mərkəzi Bankının faiz dərəcələrini sentyabrın sonuna kimi artırmaq qərarı oktyabr-dekabr üçün perspektivlərə artıq kölgə salır, avrozonanın tənəzzülə düşmə riskini artırır.

"BusinessDrom" analitik agentliyinin baş direktoru Pavel Samiyev deyib ki, Avrozonada tənəzzül təxminən bir il davam edə və ciddi nəticələrə səbəb ola bilər. Onun sözlərinə görə, ard-arda iki və ya daha çox rüb ərzində iqtisadi tənəzzül baş verirsə, bu, artıq tənəzzüldür. Ekspert əlavə edib ki, hazırda Avropada baş verənləri hələlik tənəzzül adlandırmaq olmaz, lakin bunun üçün müəyyən ilkin şərtlər var.

Paşa Məmmədli