Qazaxıstan hakimiyyəti oktyabrın sonunda Rusiya qazının Özbəkistana nəqlinə başlamaq niyyətindədir. 

Valyuta.az TASS-a istinadla xəbər verir ki, bu barədə Qazaxıstanın energetika naziri Almasadam Satkaliyev bildirib.

İdarə rəisi qazın ölçülməsi üçün ayrıca xəttin ayrılması ilə bağlı işlərin yekunlaşdırılmasından danışıb. Onun sözlərinə görə, qrafikə əsasən, tikinti oktyabrın sonuna kimi başa çatdırılmalıdır.

“Düşünürəm ki, yaxın gələcəkdə bu işlər başa çatdıqdan sonra tranzitin başlandığını elan edə biləcəyik”, - deyə Satkaliyev Rusiya qazının Özbəkistana tədarükünün vaxtı ilə bağlı sualı cavablandırıb.

O, aydınlaşdırıb ki, yanacağın həcmləri Özbəkistan tərəfinin müraciətinə uyğun olaraq razılaşdırılır. Müraciət daxil olan kimi tranzitin konkret həcmi məlum olacaq.

Avqust ayında Xarici İşlər Nazirliyi Rusiya Federasiyası, Özbəkistan və Qazaxıstanın qaz ittifaqının mümkün genişlənməsini elan edib. Rusiya Xarici İşlər Nazirliyinin İqtisadi Əməkdaşlıq Departamentinin direktoru Dmitri Biriçevski bildirib ki, digər ölkələr də bu assosiasiyaya maraq göstərirlər.

Nicat