NASA unikal yeddi illik missiyasını başa vurub. Kosmik agentlik Bennu asteroidinin səthindən çirkab və çınqıl nümunələri götürüb və bu yaxınlarda onları Yerə gətirib. Kapsulun içərisində Kainatın sirlərinə dair gizli ipuçları ola bilər.

Valyuta.az “Mashable”a istinadla xəbər verir ki, kapsul Solt Leyk Sitidən qərbdə, Yuta ştatında hərbi poliqona düşüb. NASA bu bazanı insan həyatı üçün riskləri minimuma endirmək üçün seçib. Obyekt yolun kənarına düşüb və ABŞ Hərbi Hava Qüvvələri onu tapmağa kömək edib.

Qırmızı-isti kapsul tez çıxarılaraq xüsusi otağa aparılıb. Orada OSIRIS-Rex adlı missiyada olan elm adamları nümunə qabının bir hissəsini çıxarıb və daimi azot ehtiyatını aktivləşdiriblər. Sonuncu, Yer atmosferinin nümunələrə potensial mənfi təsirindən qurtulmağa kömək edəcək.

Kapsul yüz min kilometrdən çox yüksəklikdən atılıb. Və onun maksimal uçuş sürəti 44.500 km/saat olub. Yəni konteyner alovlu topa çevrilib. Bununla belə, eniş daha uğurlu olub: kapsul səthdən sıçramayıb, torpağa batıb, burun hissəsi isə yerində qalıb. Düzdür, elə bir məqam olub ki, alimlər narahat olmağa başlayıblar. Onda elə fikir yaranıb ki, kapsulun paraşütü açılmayıb.

Xatırladaq ki, Bennu asteroidi OSIRIS-Rex layihəsi üçün onun səthində çox miqdarda karbon olduğuna görə seçilib. Bu, həyatın kimyəvi mənşəli olması ehtimalını yaradır. Obyekt “Empire State Building”ə uyğun hündürlüyə malikdir və Yerdən 320 milyon kilometr məsafədə yerləşir.

Nicat