Polşanın rısmi statistikasına görə, ölkə Rusiya gübrələrinin alışını 3,3 dəfə artırıb. 

Valyuta.az xəbər verir ki, bunun sayəsində Rusiya şirkətləri təchizatçılar arasında altıncı yerdən ikinci yerə yüksəliblər.

Statistika İdarəsinin məlumatına görə, bu ilin iyul ayında Polşa biznesi Rusiya tədarükçülərindən 20,2 milyon dollar dəyərində gübrə alıb. Eyni zamanda, ötən ilin müvafiq dövründə satınalmaların həcmi 6,2 milyon dollar təşkil edib.

Nəticədə Rusiya 22,6 milyon dollar dəyərində gübrə tədarük edən Almaniyadan sonra bu məhsulların ikinci ən böyük tədarükçüsü olub.

Ən böyük tərəfdaşlar arasında Litva (13,5 milyon dollar), Finlandiya (8,3 milyon dollar) və Niderland (8,1 milyon dollar) da var.

Paşa Məmmədli