"Tesla" və "SpaceX" şirkətlərinin qurucusu, həmçinin X (Twitter) şirkətinin sahibi İlon Mask oğlu X Æ A-12 - İks Eş Ey-Tvelv ilə (qısa adı Lil İks. – red.) birlikdə Türkiyə prezidenti Rəcəb Tayyib Ərdoğanla görüşə gəlib. 

Valyuta.az xəbər verir ki, RBC bu barədə Maskla Ərdoğanın söhbətinin videoyazısına istinadən yazıb.

Görüş BMT-nin Nyu Yorkdakı mənzil-qərargahının yanındakı Türk Evində baş tutub. Türkiyə prezidenti qeyri-rəsmi söhbət zamanı amerikalı multimilyarderdən həyat yoldaşının harada olduğunu soruşub. Mask cavab verib ki, onlar ayrılıblar və oğlunu böyütməyi öz üzərinə götürüb.

"Hə, o San Fransiskodadır. Biz ayrılmışıq, ona görə də oğluma mən baxıram”, - Mask deyib.

Milyarder məclis boyu uşağı qucağından düşürməyib.

Lil İksin anası müğənni Qraymsdır. Formal olaraq, Grimes və Mask nikahda olmayıblar. Aralarında olan münasibət 2018-ci ildən 2021-ci ilə qədər davam edib. Lil İks 2020-ci ildə anadan olub. 2021-ci ilin dekabr ayında Mask və Grimesin Eksa Dark Sideel adlı bir qızları olub.

Bundan əvvəl Ərdoğan Nyu Yorkda Mask ilə Türkiyəyə mümkün investisiyaları müzakirə edib.

Nicat