Mətbuatın yazdığına görə, "Qiymətli metallar və qiymətli daşlar haqqında” qanuna edilən dəyişiklik layihəsində Azərbaycanda ümumi məbləği 15 min manatdan çox olan qiymətli daşlardan hazırlanan məmulatların alqı-satqısının nağdsız həyata keçiriləcəyi məsələsi öz əksini tapıb. 

Dəyişikliklə 30 dekabr 2022-ci il tarixli 785-VIQD nömrəli qanun ilə “Nağdsız hesablaşmalar haqqında” Azərbaycan Respublikasının qanununda dəyişiklik edilərək qiymətli daşların, qiymətli metalların, o cümlədən qiymətli daşlardan və qiymətli metallardan hazırlanmış məmulatların və mədəniyyət məhsullarının alqı-satqısı üzrə ümumi məbləği 15 min manatdan artıq olan ödənişlərin nağdsız qaydada həyata keçirilməsi təsbit edilib. 

Valyuta.az-a açıqlama verən iqtisadçı ekspert Fuad İbrahimovun fikrincə, 15 min manatdan çox olan qiymətli daşlardan hazırlanan məmulatların alqı-satqısının nağdsız həyata keçirməsi həmin sahədə şəffaflığın təmin edilməsinə şərait yaradacaq: 

“Bunun ardınca qızıl və qızıl məmulatlarının idxalı və satışı ilə bağlı qaydalarda da dəyişikliklər olacaq. Hazırda onun üzərində də iş gedir. Sözügedən sahə hələ də xeyli dərəcədə kölgə iqtisadiyyatı rejimində işləyir. Burada nə idxal prosesi şəffaf deyil, nə də istehsal prosesi əlavə dəyər vergisinə cəlb olunmur. Atılan addım nəticəsində isə büdcəyə dolayı yolla əlavə olaraq 1 milyard manatdan çox əlavə vəsait cəlb ediləcək".

Ancaq həmsöhbətimiz qiymətli daşlarla bağlı alqı-satqının nağdsız həyata keçirilməsinin 15 min manatdan deyil, ilk start qiymətdən tətbiqini daha məqbul hesab edir.

Ramiz