Türkiyə prezidenti Rəcəb Tayyib Ərdoğan BMT-nin baş katibi Antonio Quterreşlə taxıl sazişinin bərpası şərtlərini müzakirə edəcək. 

Valyuta.az xəbər verir ki, bu barədə TASS Ankaradakı diplomatik mənbəyə istinadən məlumat yayıb.

Agentliyin məlumatına görə, görüş dünya təşkilatının Baş Assambleyasının yüksək səviyyəli həftəsi çərçivəsində baş tuta bilər.

“BMT-nin baş katibi taxıl məsələsi ilə bağlı, o cümlədən Türkiyə prezidenti Rəcəb Tayyib Ərdoğanla görüşlər planlaşdırdığını bildirib”, - mənbə qeyd edib.

O əlavə edib ki, Ərdoğan əvvəllər taxıl müqaviləsinin bərpası üçün şərtlərin yerinə yetirilməsinin zəruriliyindən, eləcə də BMT ilə əməkdaşlığın davam etdirilməsindən danışıb. Eyni zamanda, Ankara BMT-dən taxıl sazişi kontekstində Moskva üçün təklifi yekunlaşdırmağı və konkretləşdirməyi xahiş etmək niyyətindədir.

Nicat